Töfraflautan

eftir Wolfgang Amadeus Mozart
Frumsýning 22. október 2011

Um sýninguna

Tónskáld Wolfgang Amadeus Mozart   Líbrettó Emanuel Schikaneder   Tungumál Íslenska   Þættir 2   Hlé 1

Fyrsta uppfærsla Íslensku óperunnar í nýjum húsakynnum sínum í tónlistarhúsinu Hörpu er sjálf Töfraflautan eftir W.A. Mozart.  Allt kapp er lagt á að að gera sýninguna sem glæsilegasta og taka nokkrir af fremstu söngvurum þjóðarinnar þátt í henni, í stærri sem smærri hlutverkum, undir stjórn Daníels Bjarnasonar, sem hefur vakið mikla athygli að undanförnu í hinum íslenska sem hinum alþjóðlega tónlistarheimi. Listrænir aðstandendur sýningarinnar, þau Ágústa Skúladóttir leikstjóri, Axel Hallkell Jóhannesson leikmyndahöfundur, Filippía Elísdóttir búningahönnuður, Páll Ragnarsson ljósahönnuður og  Bernd Ogrodnik brúðuhönnuður, ganga alla leið í að gera sýninguna sem ævintýralegasta úr garði, en verkið, sem er síðasta ópera undrabarnsins Mozarts og skrifuð nokkrum mánuðum fyrir andlát hans, var fyrst fært upp í alþýðuleikhúsi fyrir rúmum 200 árum og hefur heillað áheyrendur af öllum toga æ síðan. Hugmyndauðgi og gleði einkenna uppfærslu Íslensku óperunnar nú, þar sem hið ófyrirsjánlegasta getur gerst!

Í aðalhlutverkum eru þau Þóra Einarsdóttir, Finnur Bjarnason / Garðar Thór Cortes, Ágúst Ólafsson, Jóhann Smári Sævarsson, Sigrún Hjálmtýsdóttir / Alda Ingibergsdóttir, Snorri Wium, Valgerður Guðnadóttir, Auður Gunnarsdóttir, Hulda Björk Garðarsdóttir, Sigríður Ósk Kristjánsdóttir, Kolbeinn Jón Ketilsson / Hlöðver Sigurðsson og Viðar Gunnarsson, auk þess sem 35 manna Kór Íslensku óperunnar tekur þátt í sýningunni ásamt 48 manna hljómsveit. Þá syngja Pétur Úlfarsson, 11 ára, Álfheiður Erla Guðmundsdóttir, 18 ára, Birta Dröfn Valsdóttir, 15 ára, Jasmín Kristjánsdóttir, 12 ára, og Ingibjörg Fríða Helgadóttir, 20 ára, hlutverk drengjanna þriggja, en tugir barna og ungmenna sungu fyrir í byrjun sumars til að spreyta sig á að fá að taka þátt í Töfraflautunni í Hörpu.

Við sögu í sýningunni koma prinsar og prinsessur, fuglafangarar og æðstuprestar, auk ýmissa annarra persóna jafnt úr dýraríkinu sem og ævintýrum, sem meistari Brúðuheima, Bernd Ogrodnik, sér um að vekja til lífs í Eldborg í Hörpu.

Eins og venja er til með þetta meistaraverk Mozarts er óperan flutt á móðurmáli viðkomandi lands, og var íslensk þýðing í höndum þeirra Þrándar Thoroddsen, Böðvars Guðmundssonar, Þorsteins Gylfasonar og Gunnsteins Ólafssonar, en Þorgeir Tryggvason hefur þýtt og aðlagað leiktextann sérstaklega að sýningunni nú.

Myndbönd

Hlutverk

Næturdrottningin
Sigrún Hjálmtýsdóttir
Næturdrottningin
Alda Ingibergsdóttir
Monostatos
Snorri Wium
Fyrsta hirðmær
Hulda Björk Garðarsdóttir
Önnur hirðmær
Auður Gunnarsdóttir
Fyrsti prestur
Viðar Gunnarsson
Annar prestur
Kolbeinn Jón Ketilsson
Annar prestur
Hlöðver Sigurðsson
Fyrsti fylgdarsveinn
Álfheiður Erla Guðmundsdóttir
Fyrsti fylgdarsveinn
Pétur Úlfarsson
Annar fylgdarsveinn
Ingibjörg Fríða Helgadóttir
Annar fylgdarsveinn
Jasmín Kristjánsdóttir
Þriðji fylgdarsveinn
Birta Dröfn Valsdóttir

Listrænir stjórnendur

Hljómsveitarstjóri
Daníel Bjarnason
Leikmyndahönnuður
Axel Hallkell Jóhannesson
Brúðugerð
Bernd Ogrodnik
Búningahönnuður
Filippía Elísdóttir
Myndbandshönnuður
Henrik Linnet
Ljósahönnuður
Páll Ragnarsson

Aðrir starfsmenn

Æfingastjóri
Antonía Hevesi