Rakarinn frá Sevilla

eftir Gioachino Rossini
Frumsýning 17. október 2015

Um sýninguna

Tónskáld Gioachino Rossini   Líbrettó Cesare Sterbini   Tungumál Ítalska   Þættir 2   Hlé 1

Hin vel þekkta gamanópera Rossinis, Rakarinn frá Sevilla, er haustverkefni Íslensku óperunnar í ár og verður frumsýning þann 17. október næstkomandi í Eldborg í Hörpu. Með titilhlutverkið, hlutverk rakarans Fígaró, fer baritónsöngvarinn Oddur Arnþór Jónsson sem sló rækilega í gegn í Don Carlo hjá Íslensku óperunni síðastliðið haust og var valinn Bjartasta vonin á Íslensku tónlistarverðlaununum í vor og var ennfremur á dögunum tilnefndur til Grímunnar sem Söngvari ársins. Í öðrum hlutverkum eru Gissur Páll Gissurarson sem Almaviva greifi, Sigríður Ósk Kristjánsdóttir og Guðrún Jóhanna Ólafsdóttir í hlutverki Rosinu, Bjarni Thor Kristinsson og Jóhann Smári Sævarsson í hlutverki Doktor Bartolo, Kristinn Sigmundsson og Viðar Gunnarsson í hlutverki Don Basilio, Ágúst Ólafsson í hlutverki Fiorello og Valgerður Guðnadóttir í hlutverki Bertu. 

Leikstjóri er Ágústa Skúladóttir, búninga hannar María Ólafsdóttir, leikmyndahöfundur er Steffen Aarfing og ljósahönnuður Jóhann Pálmi Bjarnason. Hljómsveitarstjóri er Guðmundur Óli Gunnarsson.

Sungið er á ítölsku og íslenskri þýðingu varpað á skjái.

Frumsýning verður 17. október og eru fimm sýningar ráðgerðar á verkinu í október og nóvember. 

Myndbönd

Listrænir stjórnendur

Hljómsveitarstjóri
Guðmundur Óli Gunnarsson
Búningahönnuður
María Th. Ólafsdóttir
Leikmyndahönnuður
Steffen Aarfing
Ljósahönnuður
Jóhann Bjarni Pálmason