Il Trovatore

eftir Giuseppe Verdi
Frumsýning 20. október 2012

Um sýninguna

Tónskáld Giuseppe Verdi   Líbrettó Salvadore Cammarano   Tungumál Ítalska   Þættir 4   Hlé 1

Óperan Il Trovatore eftir meistara Giuseppe Verdi er ópera sterkra tilfinninga – saga um ástir og hefnd. Tónlistin iðar að sama skapi af rómantík, fögrum laglínum og hrífandi aríum og kórum.

Nokkrir framúrskarandi listamenn á sviði tónlistar og leikhúss sameina krafta sína í þessari haustuppfærslu Íslensku óperunnar árið 2012. Í helstu hlutverkum eru Jóhann Friðgeir Valdimarsson í hlutverki Manrico, Hulda Björk Garðarsdóttir í hlutverki Leonoru, Alina Dubik og Elsa Waage sem skipta með sér hlutverki Azucenu, Viðar Gunnarsson syngur hlutverk Ferrando og hinn virti alþjóðlegi baritónsöngvari Anooshah Golesorkhi er í hlutverki Luna greifa.

Þá heldur bandaríski hljómsveitarstjórinn Carol Crawford um tónsprotann, og er þetta í fyrsta sinn sem kona er hljómsveitarstjóri í óperuuppfærslu hjá Íslensku óperunni. Leikstjóri er Halldór E. Laxness, leikmyndahönnuður er Gretar Reynisson og búninga hannar Þórunn María Jónsdóttir. Kór og hljómsveit Íslensku óperunnar taka ennfremur þátt í verkefninu.

Myndbönd

Steðjakórinn - 2. þáttur, 1. atriði

Listrænir stjórnendur

Hljómsveitarstjóri
Carol I. Crawford
Leikstjóri
Halldór E. Laxness
Leikmyndahönnuður
Gretar Reynisson
Búningahönnuður
Þórunn María Jónsdóttir
Aðstoðarhljómsveitarstjóri
Guðmundur Óli Gunnarsson