Cavalleria Rusticana og Pagliacci

eftir Pietro Mascagni / Ruggiero Leoncavallo
Frumsýning 19. september 2008

Um sýninguna

Tónskáld Pietro Mascagni / Ruggiero Leoncavallo   Tungumál Ítalska   Hlé

Cavalleria Rusticana og Pagliacci verða sýndar í fyrsta skipti saman í Íslensku óperunni í haust, en í hugum margra eru þessar tvær óperur tengdar sterkum böndum, og því hefur skapast ákveðin hefð fyrir því að þær séu sýndar saman.

Hér er um að ræða tvær einþáttungsóperur, þar sem daglegt líf fólks; harmur þess og gleði, eru í forgrunni. Munurinn á leikhúsi og lífi er tekinn til rækilegrar skoðunar í þessari uppfærslu og í raun mætti segja að hér fái óperugestir að upplifa leikhús í leikhúsi í leikhúsi!

Þessi glæsilega uppfærsla er skipuð einvalaliði úr íslenska óperu- og leikhúsheiminum, en hér leikstýrir Sveinn Einarsson nokkrum af fremstu söngvurum þjóðarinnar, þar á meðal Kristjáni Jóhannssyni tenórsöngvara sem syngur í fyrsta sinn á glæsilegum ferli sínum í Íslensku óperunni. Aðrir söngvarar í sýningunni eru Jóhann Friðgeir Valdimarsson, Elín Ósk Óskarsdóttir, Auður Gunnarsdóttir, Tómas Tómasson, Alina Dubik, Sesselja Kristjánsdóttir, Sólrún Bragadóttir, Alex Ashworth og Eyjólfur Eyjólfsson.

Hljómsveitarstjóri er Kurt Kopecky, en aðrir listrænir stjórnendur eru Þórunn Sigríður Þorgrímsdóttir, leikmyndahönnuður, Helga Björnsson, búningahönnuður og Páll Ragnarsson, ljósahönnuður.

Hér er um að ræða sýningu sem enginn óperuunnandi ætti að láta fram hjá sér fara. Tryggðu þér miða með því að smella hér!

Hlutverk

Turiddu (CR) / Canio (P)
Kristján Jóhannsson
Turiddu (CR) / Canio (P)
Jóhann Friðgeir Valdimarsson
Santuzza (CR)
Auður Gunnarsdóttir
Alfio (CR) / Tonio (P)
Tómas Tómasson
Mamma Lucia (CR)
Alina Dubik
Silvio (P)
Alex Ashworth

Listrænir stjórnendur

Hljómsveitarstjóri
Kurt Kopecky
Leikstjóri
Sveinn Einarsson
Búningahönnuður
Helga Björnsson
Ljósahönnuður
Páll Ragnarsson