Aría dagsins og eldri uppfærslur á opera.is

Dísella

Íslenska óperan í samstarfi við mbl.is vill stytta landsmönnum stundir og gleðja á erfiðum tímum með því að færa ykkur aríu dagsins í flutningi íslenskra söngvara við píanóleik Bjarna Frímanns. 

Það er Dísella Lárusdóttir sópransöngkona sem flytur fyrstu aríu dagsins við píanóleik Bjarna Frímanns Bjarnasonar. Arían verður birt á mbl.is í dag, þriðjudaginn 24. mars 2020.

Íslenska óperan mun líka frá og með deginum í dag opna gullkistu sína og deila völdum eldri uppfærslum með landsmönnum í gegnum heimasíðuna. Fyrsta uppfærslan sem verður aðgengileg er óperan Pagliacci sem sett var upp árið 1990 í Gamla bíói og var  upptakan gerða þann 23. febrúar 1990.

Hljómsveitarstjóri: David Angus

Leikstjóri: Basil Coleman

Leikmynd: Nicolai Dragan

Búningar: Alexander Vassiliev

Lýsing: Jóhann Bjarni Pálmason

Hlutverkaskipan

Canio: Garðar Cortes

Nedda: Ólöf Kolbrún Harðardóttir

Tonio: Keith Reed

Silvio: Simon Keenlyside

Harlequin: Sigurður Björnsson

Kór og hljómsveit Íslensku óperunnar

Konsertmeistari: Zbigniew Dubik

Gullkistan
29. mars 2020

Íslenska óperan opnar Gullkistu sína með gömlum uppfærslum

Til að stytta fólki stundir á erfiðum tímum opnar Íslenska óperan Gullkistu sína og sýnir upptökur af fyrri uppfærslum frá ýmsum tímum.Upptökurnar verða tímabundið aðgengilegar á youtube-síðu Íslensku óperunnar og …
Heima í Hörpu
27. mars 2020

Heima í Hörpu - tónleikar í beinni úr Eldborg alla virka daga

Harpa, Sinfóníuhljómsveit Íslands og Íslenska óperan taka höndum saman og bjóða upp á lifandi tónlistarstreymi úr Eldborg klukkan 11 flesta morgna á meðan samkomubann varir. Leikar hefjast sunnudaginn 22. mars …