Lilja Guðmundsdóttir

Sópran

Lilja Guðmundsdóttir

Lilja Guðmundsdóttir ólst upp á Kópaskeri og stundaði söngnám í Tónlistarskólanum á Akureyri, við Söngskóla Sigurðar Demetz og í Musik und Kunst Privatuniversität der Stadt Wien en þaðan lauk hún Mastersprófi haustið 2015 með fyrstu einkunn. Hennar helstu kennarar voru Sigríður Aðalsteinsdóttir, Sigrún Hjálmtýsdóttir og Uta Schwabe. Meðal hlutverka hennar í skólanum í Vínarborg voru Fiordiligi í Così fan tutte, Lauretta í Gianni Schicchi, Corinna í Il Viaggio a Reims og Anne Trulove í The Rake’s Progress. Á námsárunum söng Lilja Næturdrottninguna í Töfraflautunni hjá Oh!pera og í Suor Angelica hjá Teather and der Wien. Hér heima hefur hún sungið hlutverk Donnu Elviru úr Don Giovanni með Sinfóníuhljómsveit unga fólksins, Frasquitu í Carmen og Second Niece í Peter Grimes hjá Íslensku óperunni. Hún hefur komið fram sem einsöngvari með Salon Islandus, The Festival Orchestra Wien og með Sinfóníuhljómsveit Íslands. Lilja hefur sungið á ótal tónleikum í Austurríki, Frakklandi, Búlgaríu, Finnlandi, Þýskalandi og á Íslandi. Lilja hefur hlotið styrki úr Minningarsjóði Sigurðar Demetz og úr styrktarsjóði Önnu K. Nordal. Lilja hlaut úthlutun úr launasjóði tónlistarflytjenda árið 2019. 

Verkefni hjá ÍÓ