Katrín Gunnarsdóttir

Danshöfundur

Katrín Gunnarsdóttir
Katrín starfar sem danshöfundur og dansari. 

Hún lærði samtímadans við Listaháskóla Íslands og útskrifaðist með BA gráðu í kóreógrafíu frá ArtEZ Academy of the Arts í Hollandi árið 2008.

Katrín hefur samið dansverkin Crescendo og Shades of History í samstarfi við Tjarnarbíó, End of an Era fyrir samtímadansbraut Listaháskóla Íslands, Saving History og Macho Man í samstarfi við Reykjavík Dance Festival og Kviku í samstarfi við Þjóðleikhúsið.

Hún hefur einnig skapað dansverk í samvinnu við aðra listamenn, þar má nefna Moving Mountains með Marble Crowd, Coming Up og PLANE með Melkorku & Kötu og Shake Me, Kandíland og Úps! með Hreyfiþróunarsamsteypunni.

Verk Katrínar hafa verið sýnd á sviðslistahátíðum og í leikhúsum víðsvegar á Íslandi og einnig í Hollandi, Belgíu, Noregi, Póllandi, Sviss, Þýskalandi og víðar.

Katrín hefur gert dans- og sviðshreyfingar í leiksýningum hjá Theater Republique í Danmörku, Toneelgroep Amsterdam í Hollandi, Norræna húsinu og Stúdentaleikhúsinu. Hún samdi einnig danshreyfingar í tónlistarmyndböndum fyrir Ásgeir Trausta, Ólaf Arnalds og Between Mountains.

Katrín hefur hlotið nokkrar tilnefningar til Grímunnar og hlotið verðlaunin sem danshöfundur fyrir Crescendo og Coming Up, og sem dansari fyrir Shades of History. Hún hefur einnig verið tilnefnd til Menningarverðlauna DV og til gagnrýnendaverðlauna evrópska tímaritsins Tanz.

www.katringunnarsdottir.com

Verkefni hjá ÍÓ