About

Þær Björk Níelsdóttir sópran og Eva Þyri Hilmarsdóttir píanóleikari koma fram á næstu Kúnstpásu Íslensku óperunnar, þriðjudaginn 23. febrúar kl. 12:15.

Fyllsta öryggis verður gætt og til þess að framfylgja sóttvarnarreglum þarf að panta miða í gegnum miðasölukerfi Hörpu en tónleikarnir eru án endurgjalds. Sætin verða númeruð og grímuskylda á tónleiknum.

Efnisskrá

W. A. Mozart
In uomini in soldatiúr Cosi fan tutte (Despina)

E. Satie
La Diva de l'Empiresönglag

V. Herbert
Art is calling for meúr The Enchantress

A. Piazzolla
Yo soy Mariaúr Maria de Buenos Aires

Kurt Weill
Sjóræningja Jennýúr Túskildingsóperunni

Kurt Weill
Je ne t'aime passönglag

Deems Taylor
Young Aprilsönglag

Íslenska óperan býður ykkur hjartanlega velkomin á meðan húsrúm leyfir.

Björk Níelsdóttir hefur komið fram í frumflutningi á fjöldamörgum óperum, leikuppfærslum og tónverkum. Hún hefur tekið þátt í tónleikaferð með Björk og Florence and the Machine sem söng og trompetleikari. Í júní síðastliðnum söng Björk eitt aðalhlutverkið í frumflutningi á óperunni Aarappelvreters eftir David Dramm og Romain Bischoff og var óperan sýnd á Oerol, einni stærstu leiklistarhátíð í Hollandi sem og Karavaan Festival.

Björk Níelsdóttir er fastur meðlimur í Kaja Draksler Oktett, Dúplum dúó, Polyband, Gadus Morhua , Cauda Collective og Stirni Ensemble.

Hún var valin bjartasta vonin á Íslensku tónlistarverðlaununum 2019 og tilnefnd til Grímuverðalaunanna sem söngvari ársins 2019.

Eva Þyri Hilmarsdóttir hefur verið mjög virk í tónlistarlífinu undanfarin ár og hlaut nýverið tilnefningu til Íslensku tónlistarverðlaunanna fyrir geisladisk með sönglögum Jórunnar Viðar, ásamt Erlu dóru Vogler. Hún hefur oft komið fram sem flytjandi kammer- og ljóðatónlistar auk þess að halda einleikstónleika.

Eva Þyri tók þátt í nýstárlegri uppfærslu Íslensku óperunnar á Mannsröddinni eftir Poulanc árið 2017 og starfar við Listaháskóla Íslands samhliða tónleikahaldi.

More concerts

olafurkjartan-bjarnifrimann.jpg
Viðburðir

Söngskemmtun: Ólafur Kjartan og Bjarni Frímann

19. march 2021
Guðrún Jóhanna og Helga Bryndís
Viðburðir

Kúnstpása: Guðrún Jóhanna og Helga Bryndís

9. february 2021