Hanna Þóra Guðbrandsdóttir

Soprano

Hanna Þóra Guðbrandsdóttir

Hanna Þóra Guðbrandsdóttir hóf söngnám við Tónlistarskólann á Akranesi árið 1996. Haustið 1999 innritaðist hún í Söngskólann í Reykjavík og hafa kennarar hennar þar verið Ólöf Kolbrún Harðardóttir, Signý Sæmundsdóttir og Kolbrún Sæmundsdóttir. Þaðan lauk hún 8. stigsprófi vorið 2005. Hún hefur stundað söngnám bæði í Kaupmannahöfn og Berlín síðustu árin. Hún hefur sótt meistaranámskeið og söngtíma hjá ýmsum kennurum m.a.Sigríði Ellu Magnúsdóttur, Krisjáni Jóhannsyni, André Orlowitz, Lauru Brooks Rice, Janet Williams, Kristni Sigmundssyni, Jónasi Ingimundarsyni og Margaret Singer.

Hanna Þóra hefur sungið ýmis hlutverk og má þar nefna Genovefu úr Systir Angelica eftir Puccini, Greifynjuna í Brúðkaupi Fígarós og Fiordiligi í Cosí fan tutte eftir Mozart, Ines í Il Trovatore eftir Verdi, Serpinu í La serva Padrona eftir Pergolesi og hlutverk Daggarálfsins og Óla lokrbrá í barnaóperunni Hans og Grétu. Hanna Þóra var einsöngvari í óperunni Ragnheiði eftir þá Gunnar Þórðarsson og Friðrik Erlingsson sem sett var upp í Íslensku óperunni 2014. Hún fór líka með hlutverk í óperunni Skáldið og biskupsdóttirin eftir þær Alexöndru Chernyshova og Guðrúnu Ásmundsdóttur sem var frumflutt í Hallgrímskirkju í Saurbæ vorið 2014. Hanna Þóra hefur einnig farið með sópranhlutverkið í Oratorio de Noél eftir Camille Saint-Saens. Hanna Þóra syngur í tónleikaröð Classical Concert Company Reykjavík sem fer fram í Hörpu. Sumarið 2008 var Hanna Þóra valin til þess að syngja í International Hans Gabor Belvedere Competiton. Það er ein stærsta keppni í heimi fyrir unga og upprennandi óperusöngvara. Hún hefur margoft haldið tónleika, sungið sem einsöngvari með ýmsum kórum og við kirkjulegar athafnir. Hanna Þóra var bæjarlistamaður Akraness árið 2011.

Icelandic opera credits